सफलताको कथा प्रशुन चौधरी

प्रशुन चौधरी

     

जिल्ला बद्धिया हाल  यस बर्ष देखि यस टीकापुर नगरपालिका भित्र बसाई सराई गरी बसी  राख्नु भएको प्रशुन चौधरी  शारिरिक तथा मानसिक रुपमा निकै नै तन्दरुस्ट  साथै निकै मेहेनती पनि रहेका छन्  । उनको परिवारमा आमा बुबा, बहिनी,फुपू, बाजे र श्रीमान्/श्रीमती   गरी जम्मा ७ (सात) जनाको परिवार  रहेको छ । उनको  पारिवारिक आर्थिक अवस्था न्यून रहेको छ । बुबाको पेशा कृषिमा आधारित भएको हुनाले  र परिवारमा अरु सदस्य समेत कमाउने नभएकोले उनको पारिवारिक जिवनशैली एकदमै दैनिय रहेको छ । आफ्नो खेतीपातिले घरको छाक मात्र टार्न मिल्ने भएकोले अरु मानवीय आवश्यकता पुरा गर्न निकै कठिन पर्ने गर्दछ ।  उनले विगत ४ वर्ष देखी किराना पसलमा काम गर्दै आइ रहेका थिए । जसमा उनको  आम्दानी सुरुमा ४००० र पछि गएर ७५०० सम्म पुगेको थियो । जसले गर्दा ७ जनाको परिवारमा त्यति मात्र आम्दानीले नभ्याउने भएकोले र वैवाहिक जिवन पछि  झन आर्थिक समस्या परे पछि उनले आफ्नो आम्दानी कसरी बढाउने सोच दिन प्रतिदिन बढ्दै गइ रह्रयो । नेपालमा रहेको बेरोजगारको समस्याले गर्दा उनले कुनै काम पनि पाउन सकेका थिएनन् । फलस्वरुप बिहान त्यतिकै बस्नु भन्दा कम्प्युटर सिक्नु पर्छ भन्ने सोच आयो । टीकापुर सामुदायिक पुस्तकालयले निकालेको सुचना अनुसार उनले काम गर्ने क्रममा  बिहानको समय निकाली यस टीकापुर सामुदायिक पुस्तकालयमा कम्प्युटर सिक्न आउथ्ये ।  उनले कम्प्युटर सिक्ने क्रमा निकै मेहनतका साथ  अभ्यास गरिरहन्थे ।

हालै यसै वर्ष स्थापना भएको नेपाल एकीकृत दिगो विकास संगठन रिक्त रहेको लेखापाल पदमा उनले दरखास्त दिए पछि  उनको नाम त्यस संगठनमा पर्न सफल भयो ।  जसमा अनिवार्य बेसिक  कम्प्युटर पनि मागेको  पनि थियो । त्यस संस्थाले समाजमा विभिन्न किसिमको तालिम  चलाई रहेको छ ।  उनले हाल  त्यस संस्थामा लेखापालको काम र कहिले काँही महिनाको दुई तीन पटक कम्प्युटरमा प्रक्टीकल पनि गराउन हुन्छ ।  उनले त्यस संस्थामा काम पाए देखि  साह्रै नै खुशी रहेका छन् । उनले ४ वर्ष सम्म टीकापुर क्षेत्रमा भाडामा बस्दा उनलाई आर्थिक समस्या निकै पर्ने गर्दथ्यो र सोका लागि खर्च घरबाट माग गर्दा बुबाआमाको धेरै नै कुरा सुन्नु पर्ने  र कोठा भाडा , शिक्षण शुल्क समेत तिर्न गाह्रो हुने गर्दथ्यो । त्यही भएर उनी आफ्नो जिवन देखि धेरै नै लज्जित हुने गर्थे । घरबाट कमाउने कोही नहुदा घरमा पैसा माग्न पनि गाह्रो थियो ।फलस्वरुप  उनले टीकापुर सामुदायिक पुस्तकालयको सुचना मार्फत  कम्प्युटर सिक्ने अवसर प्राप्त गरे । कम्प्युटर बेसिक कोर्षको  प्रमाण पत्र पाई सके पछि त्यहीको आधारमा नेपाल एकीकृत दिगो विकास संगठन  काम गर्ने अवसर प्राप्त गरिन् र मासिक १५००० का दरले कमाउन थाले पछि उनको जिवनमा निकै नै परिर्वतन आएको जस्तो लाग्यो  र अहिले  कोठा  भाडा , श्रीमती बहिनीफुपूलाई सबैको  पढाई सजिलै सँग टार्न सकिन भएको छ र मासिक केही रकम बैंकमा बचत पनि गर्छ भन्ने गर्दछन् । । जसले गर्दा उनको बुबा आमालाई निकै नै राहत भएको छ ।  उनले भन्छन् यदि मैले कम्प्युटर नसिकेको भए मेरो अवस्था अहिले  उही ४ बर्ष देखि निरन्तर काम गरी रहेको पसलमा हुन्थ्यो होला । टीकापुर सामुदायिक पुस्तकालयमा  कम्प्युटर सिकिसकपछि उनी नियमित लाइब्रेरी आउने पत्रपत्रिका , पुस्तक पढ्ने र इन्टरनेटको सदुपयोग गर्ने गर्छन अर्थात यस पुस्तकालयको निमिक्ति उनी नियमित पठाक पनि बनी सकेका छन् । साथै  मेरो जिवनलाई सफल पार्नको लागि बाटो अगाडि देखाई दिएकोमा टीकापुर सामुदायिक पुस्तकालय र प्रशिक्षक सर हर्क मौनी  लाई धेरै धेरै धन्यवाद पनि प्रकट गर्न चाहान्छु ।